akur

Frístundahús í Birkihlíð

Fri, 05 Dec 2025 13:21:00 GMT

Frístundahús í Birkihlíð

Það hefur viðrað vel til byggingarvinnu síðustu daga og vikur og í byrjun þessarar viku hófu starfsmenn Akurs reisningu á frístundahúsi í landi Kalastaða í Hvalfirði. Frístundasvæðið ber heitið Birkihlíð og er þetta fimmta húsið sem Akur reisir á þessu svæði.

Framkvæmdir hófust í byrjun október síðast liðinn. Þeir verktakar sem vinna að verkinu með Akri eru Borgarverk ehf. í Borgarnesi sem sér um jarðvinnu, Ávalt ehf. á Akranesi sá um undirstöður, Halldór Fannar Halldórsson pípulagningarmeistari á Akranesi sér um pípulagnir og Rafdreifing ehf. í Mosfellsbæ sér um raflagnir.

Húsið sem eru rúmir 60 fermetrar að stærð er hefðbundið að formi og er með risþaki og skyggni framan við stofu og eldhús, það er með litaðri timburklæðningu á útveggjum og eru gluggar og útihurðir með álklæðningu að utan.

Sextíuogsex ár

Thu, 20 Nov 2025 16:00:34 GMT

Sextíuogsex ár

Í dag eru 66 ár frá því að Trésmiðjan Akur var stofnuð. Frá upphafi hafa verkefni Akurs verið fjölbreytt og margvísleg. Í dag eru megin áherslur fyrirtækisins:

- Framleiðsla á húsum úr forsmíðuðum timbureiningum.

- Endurbætur á húsum og íbúðum, innan sem utan dyra.

- Þjónusta við stórfyrirtæki og stofnanir.

- Almenn trésmíðaþjónusta.

Nýr bæklingur Akurs skoðið hér

Akur byggir fyrir Sorpurðun Vesturlands

Thu, 09 Oct 2025 13:54:59 GMT

Í síðustu viku undirrituðu Trésmiðjan Akur og Sorpurðun Veturlands samnings þess efnis að Akur byggir nýtt starfsmanna- og þjónustuhús, sem verður sett upp í Fíflholtum á Mýrum. Nýja húsið verður sett á sama stað og núverandi þjónustuhús stendur, en það var sett niður til bráðabirgða árið 1999. Áætlað er að afhenda hið nýja hús í lok maí á næsta ári.

Ný heimasíða

Wed, 10 Sep 2025 14:05:49 GMT

Í dag fer ný heimasíða Trésmiðjunnar Akurs í loftið. Það er Mikael Matthíasson hjá fyrirtækinu Stefnu ehf sem hefur haft veg og vanda að gerð síðunnar og þökkum við fyrir samstarfið við gerð hennar.

Akurshús í Skagafjörðinn

Tue, 27 May 2025 10:58:01 GMT

Fyrir nokkrum dögum kláruðu Akursmenn uppsetningu og frágang að utan á glæsilegu húsi sem staðsett er í Hegranesi í Skagafirði. Húsið er klætt að utan með standandi timburklæðningu og láréttri báruálklæðningu.

Samstarfsaðilar Akurs við framkvæmdina voru:

Nordan ísland ehf. Gylfaflöt 3 Reykjavík. Gluggar og útihurðir frá þeim eru úr timbri með álklæðningu að utan.

GSG Þaklagnir Smiðshöfða 19 Reykjavík. Á þaki er PVC þakdúkur sem GSG Þaklagnir sá um að setja niður og ganga frá.

Á næstu vikum mun Akur ljúka við frágang að innan fyrir kaupendur hússins.

Akurshús í Skagafjörðinn

Tue, 06 May 2025 11:02:10 GMT

Mánudaginn 5. maí s.l. var lagt af stað með timbureiningahús frá Akri. Húsið sem er hannað og teiknað sérstaklega fyrir kaupendur er um 124 m2 að stærð á einni hæð og mun rísa í Hegranesi í Skagafirði. Bifreiðastöð ÞÞÞ á Akranesi sá um að flytja húseiningar og efni fyrir okkur á byggingarstað.

Nú eru vaskir menn frá Akri að reisa húsið sem mun á endanum verða skilað til eigenda tilbúnu undir tréverk síðar í sumar.

Gleðileg jól

Mon, 23 Dec 2024 11:06:11 GMT

Starfsfólk Trésmiðjunnar Akurs óskar viðskiptavinum sínum og samstarfsfólki gleðilegrar jólahátíðar og farsældar á komandi ári. Þökkum ánægjulegt samstarf á árinu sem er að líða.

Það verður lokað hjá okkur milli jóla og nýárs og fram í janúar. Opnum aftur mánudaginn 6. janúar.

Brot úr 65 ára sögu

Sun, 22 Dec 2024 11:10:10 GMT

Árið er 2001. Í upphafi ársins var Trésmiðjan Akur fengin til að meta ástand turnsins á Akraneskirkju. Niðurstaðan var að endurbyggja þyrfti turninn frá grunni. Verkfræðistofan Hönnun á Akranesi var fengin til að gera byggingaruppdrætti og sjá um verkfræðilega hönnun. Turninn var byggður nákvæmlega eftir þeim gamla og kom Húsafriðunarnefnd ríkissins einnig að verkefninu. Smíði turnsins byrjaði á vormánuðum 2002 og lauk í júní sama ár. Smíðin fór fram innandyra á verkstæði Akurs og var turninn síðan fluttur og hífður á sinn stað af Skóflunni á Akranesi.