Það er ekki algengt að fólk vinni alla sína starfsævi hjá sama fyrirtækinu. Það gerði ein samstarfskona okkar í Akri hún Margrét Arnfinnsdóttir, en hún lét af störfum í gær eftir 48 ár og tvo mánuði í starfi fyrir Akur. Magga hóf störf í Akri í byrjun maí árið 1978. Alla tíð vann hún við almenn skrifstofustörf og var launafulltrúi fyrirtækisins. Við í Akri kveðjum góða samstarfskonu sem hefur sýnt samferðafólki sínu í fyrirtækinu hlýju og alúð. Tryggð hennar við fyrirtækið og stjórnendur í gegnum tíðina er okkur mikils virði. Samstarfsfólk hennar í Akri óskar henni alls hins besta í framtíðinni og vonum að hún finni skemmtileg viðfangsefni á komandi árum.
Á síðasta ári var gerður samningur milli Trésmiðjunnar Akurs og Sorpurðunar Vesturlands þess efnis að Akur byggji starfsmanna- og þjónustuhús fyrir félagið. Smíði hússins hefur staðið yfir í vetur og var það byggt innandyra í verksmiðju Akurs. Samstarfsaðilar Akurs við byggingu hússins eru; Borgarverk ehf Borgarnesi – flutningur á húsi Færni ehf Akranesi – málning og gólfdúkur Pípó ehf Akranesi – pípulagnir Vogir og Lagnir ehf Akranesi – raf- og tölvulagnir Húsið var flutt 7. maí síðast liðinn í Fíflholt og var sett niður til bráðabirgða þar til það verður sett á undirstöður á næstu dögum.
Sextíuogsex ár
